Kidung Warga Sari

Kidung Brahmara Ngisep sari Om Om Sembah I Katunan Dumadak jwa kaaksi Mungguing pangubaktin tityang Dyastun langkung tuna sami Pakirang artha wibawa Nista solah lawan wuwus Muwuh banget hina budhi Kewanten sradaning manah Miwah katlebaning hati Kalawan eling tan pegat Kanggen menyanggra Manyuwun Swecan i Ratu sang luwih I Ratu langkung pawikan Ring manah sarwa dumadi Ne jati kalawan boya Ne congah lan bhakti nulus Ne patut kalawan rusit

Pupuh megatruh  Bait 1 1Swastyastu pengastawane kaluhur  2. Ngayat ida sang hyang widhi  3.Mogi ida sweca asung  4.Ring parasentana sami  5. Sida mangguh kerahayon  Bait 2 1. Atur tityang ring para sisya lintang jugul  2.Panembahing maring widhi  3. Tanpa mantra tanpa suguh  4.Bakti antuk manah eling  5.Eling maring raga belog  

Wirama Merdu Komala Om Sembah Ning Anatha Tinggalana De Triloka Sarana Wahya Dyatmika Sembahing Hulun Ijeng Ta Tan Hana Waneh Sang Lwir Agni Sakeng Tahen Kadi Minyak Sakeng Dadi Kita Sang Saksat Metu Yan Hana Wang Amuter Tutur Pine Hayu

  KAWITAN WARGASARI 1.  Purwakaning angripta rumning wana ukir. Kahadang labuh Kartika panĕdĕnging sari. Angayon tangguli kĕtur. Angringring jangga muré. 2. Sukania  harja winangun winarna sari. Rumrumning puspa priyaka, ingoling tangi. Sampuning riris sumahur. Umungguing srĕngganing réjéng. KIDUNG WARGASARI 1. Ida  Ratu saking luhur. Kawula nunas lugrané. Mangda sampun titiang tanwruh. Mĕngayat Bhatara mangkin. Titiang ngaturang pĕjati. Canang suci  mwang daksina. Sami sampun puput. Pratingkahing saji. 2. Asĕp  mĕnyan majĕgau. Cĕndana nuhur déwané, Mangda Ida gĕlis rawuh. Mijil saking luhuring langit. Sampun madabdaban sami. Maring giri méru rĕko. Ancangan sadulur, sami pada ngiring. 3. Bhatarané  saking luhur. Ngagana di ambarané. Panganggéné abra murub. Parĕkan sami mangiring. Widyadara widyadari, pada madudon-dudonan, Prabhawa kumĕtug. Angliwĕr ring langit.